Симпли ред се алергични на месо

Додека обожавателите на "Симпли ред" се подготвуваат за нивниот концерт кој е закажан за вечерва (петок 26 јуни), организаторите ја подготвуваат храната и пијалоците кои менаџерот на групата им ја нарачал, а барањата се навистина необични.

Како што пишуваат српските весници, првата работа која е истакната во "Рајдер листата" е алергијата на некои од членовите на месо, така што организторите строго водат сметка да има вегетаријански порции, и да нема риба во нив.

Од останатата храна тие бараат и локални оброци, што подразбира дека сакаат да пробаат бурек и ќебапи, но тие мораат да бидат топли. Ако нема бурек и ќебапи, тогаш можат да ги заменат три пици по еден член.

Групата за прв пат гостуваше во Белград пред три години, и уште од тогаш изјавија дека се воодушевени од Балканската кујна. Што
се однесува до пијалоците, "Симпли ред" барале локални пива, црни и бели фарнцуски вина, вода во поголеми количини, џусеви, водка и шампањско.

Едно од необичните барања се 12-те задолжителни црни крпи. Крпите треба да бидат црни поради тоа што членовите на бендот кога ја бришат шминката која ја користат за на сцена, не сакаат да ги валкаат белите крпи, а на црно шминката помалку се познава. 

"Авалон" продукција од Скопје и Белградската Арена се организатори на концертот кој ќе се одржи на отворено, на Калемегдан.