Ристо Бомбата во дует со Влатко

Продуцентот Кристијан Габровски, се враќа на музичката сцена како вокал и тоа под неговото старо име Ристо Бомбата. Габровски заедно рокерот Влатко Илиевски го преработија големиот хит од деведесетите години "Дојди ти", како дует.

Од денеска, "Дојди ти" ќе биде промовирана по радио станиците низ Македонија, а следната недела, "План Б продукција" чиј ексклузивец е Влатко најавува и снимање на спот.

Влатко е голем фан на музиката на Ристо Бомбата, а песната веруваме дека ќе биде голем летен хит", велат од План Б.
Албумот кој пред 15 години го издадоа Ристо Бомбата и Кучешка тенија е рекордер по продаваност во Македонија.

Влатко пак се поготвува за настапот на фестивалот на "Сунчане скале" на финалната вечер, на 8-ми јули со српската верзија на песната "Најбогат на свет".